منتدى الفرح المسيحى

منتدى الفرح المسيحى (https://www.chjoy.com/vb/index.php)
-   قسم المواضيع المسيحية المتنوعة (https://www.chjoy.com/vb/forumdisplay.php?f=154)
-   -   تعالي وانظر (https://www.chjoy.com/vb/showthread.php?t=629974)

walaa farouk 27 - 06 - 2019 02:08 AM

تعالي وانظر
 
https://upload.chjoy.com/uploads/156160123616351.jpg

من الحاجات اللي لفتت نظري فى انجيل يوحنا واول مرة اخد بالي منها
هي عبارة قالها المسيح من كلمتين لكن فيها حقايق روحية ومبادئ عملية مهمة
وهي "تعاليا وانظرا" .. والجملة دي قالها لما تلميذين تبعوه و مشيوا وراه
وقالوله : يا معلم أين تمكث ؟!
فقال لهما : تعاليا وانظرا ..


ودي فيها معني مهم جدا .. الدرس العملي ان كتير بنسال ربنا
وعايزين نعرف اللي جاي فيه ايه وهيكون ايه ..
وفيه ناس بتتعب لف علي القديسين والخدام علشان يقولوا لهم نبوات عن المستقبل ..
لكن هنا المسيح قال حقيقة مهمة تعالي وانظر ..
يعني امشي ورايا خطوة بخطوة هتشوف .. امشي اليوم بيومه هتعرف ..
خطي الخطوة بخطوتها هتختبر .. وكل يوم جزء من الخريطة هيترسم وتوضح اللوحة اكتر ..
لكن اني اقولك كل الجاي فأنا اقدر اعمل كدة ..
لكن الاروع انك تمشي معايا سكة ايمان ..
علشان كدة مش هجاوبك لكن هقولك تعالي وانظر ..


والدرس الروحي انه مش عايزنا نجمع معلومات عنه ..
هو قاعد فين وطريقه ازاي لكن عايزنا نمشي وراه ونختبر ونذوق ونشوف بعينينا
.. علشان كدة آمن لما متلاقيش اجابات عن المستقبل ويقولك امشي اليوم بيومه وتعالي ورايا وانظر ..


والعجيب ان العبارة اتكررت في نفس الاصحاح مرتين .
. المرة التانية قالها فيلبس لنثنائيل لما سأله عن يسوع قاله بنفس الاجابة "تعالي وانظر"

في خدمتك متديش اجابات دايما للناس حتي لو عارف اجابات كتير .
. لكن اتعلم زي ما فيلبس اتعلم من يسوع .. تقولهم تعالوا وانظروا .. امشوا وانظروا هتدوقوا ..


والاهم ماتنزعجش لما متعرفش الجاي فيه ايه .. يسوع بيقولك تعال وانظر .
. اتبعني وهتعرف .. هقودك خطوة بخطوة وكل يوم بيومه .
ثق فيّ .
.

Mary Naeem 27 - 06 - 2019 09:37 AM

رد: تعالي وانظر
 
. اتبعني وهتعرف .. هقودك خطوة بخطوة وكل يوم بيومه .
ثق فيّ ..
مشاركة جميلة جدا
ربنا يبارك حياتك

walaa farouk 28 - 06 - 2019 01:21 AM

رد: تعالي وانظر
 
ميرسي على مرورك الغالى :)


الساعة الآن 01:35 PM

Powered by vBulletin® Copyright ©2000 - 2025