منتدى الفرح المسيحى - يسوع عارفك باسمك

https://upload.chjoy.com/uploads/156133445106881.jpg

لما كنا صغيرين ياه عن سعادتنا لما المدرس بتاع الفصل يبقى عارفنا وباسمنا
كمان ويخلينا نحافظ على حاجته مثلا..
وحتى لما كبرنا ياه برضه على سعادتنا لما حد ليه مركزه مثلا فى الشغل
او حتى قائد الاجتماع او الكنيسة اللى انت فيها يبقى عارفك بالاسم ومتكونش واحد وسط الزحمة اللى عنده..
ومع ده كله افتكرت مكانتنا ايه عند ربنا ومدى خصوصيتنا عنده كل واحد باسمه وافتكرت الايات ديه..
_ «قَبْلَمَا صَوَّرْتُكَ فِي الْبَطْنِ عَرَفْتُكَ، وَقَبْلَمَا خَرَجْتَ مِنَ الرَّحِمِ قَدَّسْتُكَ. جَعَلْتُكَ نَبِيًّا لِلشُّعُوبِ».( ارميا٥:١)
_ دَعَوْتُكَ بِاسْمِكَ. أَنْتَ لِي.(اش١:٤٣)
_ أَمَّا أَنَا فَإِنِّي الرَّاعِي الصَّالِحُ، وَأَعْرِفُ خَاصَّتِي وَخَاصَّتِي تَعْرِفُنِي،(يو ١٤:١٠)
تأمل كده معايا الايات ديه كأنها موجودة ليك لوحدك..
وشوف انت قد ايه مميز..غالى..مخصص..معروف بالاسم
..مش واحد وسط الزحمة..مش منسى.
.مدعو لو جاز التعبير انك تحافظ على حاجة الرب (ما يخصه).
.سهران على كلمته ليك الشخصية ليجريها..
لا يتركك لغاية لما يعمل اللى قالك عليه..يا بختك بالرب!!