هوذا الشيطان طلبكم لكي يغربلكم كالحنطة
ولكني طلبت من اجلك لكي لا يفني ايمانك
( لو 31:22 )

https://upload.chjoy.com/uploads/156110355658471.jpg

النهاردة الشيطان مش سايب حد ...
يدخل بين اي اتنين متجوزين وسعداء وعايز يلغبط حياتهم
يدخل في اي مشروع وعايز يبوظ الدنيا
يدخل في اي خدمة ناجحة وعايز يقلب الطرابيزه
يدخل بين اي اصدقاء وعايز يخسرهم بعض
شيطان نكدي يحب النكد ويعشق الانقسام

لما تلاقي الدنيا بتتلغبط حواليك
لما تحس انك هاتخسر اللي قدامك علشان اسباب تافهه
لما تحس انك ماشي في طريق مش بتاعك
لما تحس بالكأبه دايما ومش بتفرح في حياتك ولا في بيتك ولا في شغلك ودايما حزين
اعرف ان الشيطان طلبك لكي يغربلك

لكن قوم حالا اصرخ لربنا وقوله انا ضعيف يارب
تدخل يارب .. انت ماتسمحش يارب ارجوك
شعبك وكنيستك واولادك يطلبون اليك
ارحمنا يارب
وتاكد ان ربنا لازم يتدخل ويهدي الموج والبحر والعاصفة
بس انت خلي ودنك حساسه لصوته
واوع تستسلم ..