منتدى الفرح المسيحى - العقل الفارغ معمل للشيطان

https://upload.chjoy.com/uploads/156097456262631.jpg

العقل الفارغ معمل للشيطان ( القديس يوحنا ذهبي الفم )
المقولة دي من دهب
اغلب مشاكلنا بتيجي نتيجة العقل الفارغ .
. اللي مش لاقي حاجه ينشغل بيها
فابيبدء يخترع هلاوس ويجري وراها ويصدقها
لحد ماتكبر جواه وتتحول لحقايق مؤكده
وهنا الشيطان بالفعل بيقدر يشتغل اكتر على اصحاب العقول الفارغه ، وبيقدر يقنعهم بأوهام لا اساس لها من الصحة ..
بهدف تعكير مزاجهم وانه يعيشهم في قلق
ويخليهم يبعدوا عن كل اللي حواليهم ويدخلوا في خصومه معاهم
اوعى تخلي عقلك فارغ .. خليه دايما مشغول بكلام ربنا ووعوده
العب رياضه .. خد كورسات .. ارسم .. اخرج ..
اشغل نفسك بمليون طريقه .. بس اوعى تسيب عقلك فارغ
لانه سهل جداً حياتك تتدمر بسببه
اشد عدو للإنسان " فِكرُه " فأوعى تسلمه للشيطان بإيدك
اللي انت فيه دلوقتي من سهر وقلق وتعب .. سببه عقلك الفارغ
اللي بيكبر الاوهام ويحولها لافلام تتملك منك ، مش كده وبس
ده بيعملها تتر بداية ونهاية
خليك واثق ان حياتك في ايد الله ..
فوجه فكرك كمان لله .. وسلمهاله وسيبها عليه
والجاي خير بإذن الله 🙏