منتدى الفرح المسيحى - وجهة نظر الله المختلفة

https://upload.chjoy.com/uploads/156083520559891.jpg

قلب الله بيميل للأشياء الصغيرة اللى ممكن لا يكون ليها معنى
ولا قيمة ولا فايدة وكمان منها اللى ممكن لا يُذكر لما يتقارن مع آخرين يملكوا أكتر..
دهنة زيت!!
خمس خبزات!!
سمكتين!!
فلسين!!
خميرة صغيرة!!
بالعقل وبالمنظور يعملوا ايه؟!
ايه السر فى إنه قلب الله يميل لكده؟؟
السر إنه الأشياء اللى بنقول عليها صغيرة ديه متقدمة من العوز، من القلب
(كل اللى عندى يارب فى الوقت ده بقدمهولك)
النتيجة::يفرح قلب الله بيها ويشوف إنك قدمت كل اللى عندك
فعلاً فى الوقت اللى بتمر بيه ويقبله بإبتهاج وياخده بقلبه وبايده
ويباركك بيه انت أول واحد ويبارك بيه غيرك ويفيض ويفيض...
ده كله؟!!
نعم وأكتر وأكتر لأن الإنسان ينظر إلى العينين وأما الرب فإنه ينظر إلى القلب...
تيجوا نفرح قلب الله..
متبصش بتملك ايه لكن قدم اللى بتملكه