منتدى الفرح المسيحى

https://upload.chjoy.com/uploads/156072313136261.jpg

اكيد عندك مشاكل صغيرة كتير قلقاك انت لوحدك ..
كاوتش عربية نام ، عربيتك فيها عطل مفاجيء
، فاتورة جات لك زيادة مش متوقعها،
مشكلة في الشغل مش متوقعها، الكهربا او المية قطعت
، الاسانسير بقاله يومين عطلان
، دايخ علي مدرسة للبنك، ورقة معطلاك في مصلحة
، مش لاقي مقاس هدومك، و غيره و غيره..

المشاكل الصغيرة اللي مضايقك ،
و انت شايلها و منغصة عليك يومك ،
صغيرة عندك انت إنما كبيرة عند الهك..
هو مسؤول عنك و حاسس بيك ..

عاملة زي طفل راجع من المدرسة بيعيط
و هو بيحكي إمامته أن صاحبه خد مكانه في الباص
.. ماما بتحضنه و تبوسه و تقوله "علي عيني يا نور عيني "
، و بينام و هو عارف ان ماما ح تروح معاه بكره
تحل له مشكلته، حتي لو اشترت له أوتوبيس جديد لوحده !!

و افتكر ان الملاك بجلالة مقامه اللي طلع بطرس من السجن
فكره بحاجة صغيرة انه "يلبس نعليه"،
علشان رجليه ما تتجرحش
، و ما يضطرش يشتري واحد جديد (اعمال ١٢ : ٨) .. !!

نام و اطمن ..
اصغر مشكلة عندك في عينين ربنا كبيرة ،
و هو المسؤول عنك و عنها..
و ح تتحل ما تخافش ..

مش كده و لا ايه؟؟