زوّادة اليوم: الإنسانيّة
الزوّادة اليوم خبر تناقلتو مواقع التواصل الإجتماعي بيقول انّو قدّام مركز من مراكز الامتحانات الرسمية رح ننقلها متل ما هيّي. خبّرو شهود انّو بتوصل سيارة مسرعة قبل ما تتسكّر البوابة. الإم سايقة كتير بسرعة و بينزل ابنها ركض عالمركز مبيّن عليه خايف يتأخّر عالإمتحان. جرّبو الناس يرَوقو هالستّ و يطمنوها انّو ابنها وصل عالوقت و مشي الحال. قالتلن: هيدا مش ابني ما بعرفو بس شفتو واقف ناطر تاكسي و ما عم يلاقي خفت يروح عليه الإمتحان!...طول ما في انسانيّة و محبّة بين الناس ما في خوف عا لبنان...حِبّو بعضكن و خافو عا بعضكن و احموا بعضكن و الله معكن