منتدى الفرح المسيحى - بتعرف تنام فعلا زينا

https://upload.chjoy.com/uploads/156029599811411.jpg

بتعرف تنام ؟؟ ببجيلك نوم ازاي و انت سايب حد يتلوي من الزعل بسببك،
من كلمة قلتهاله أو إهانة جرحته بيها أو إهمال لمشاعره المتهانة بلسانك و افعالك..

عندك قلب زينا ؟؟ قلب بيدق و يحس و يحب و يحن ؟؟
و لا قلبك بيضخ بس قسوة و قلة أصل و انانية؟؟
و لا حاطط مكانه حتة طوبة قاسية، و شوية حديد ما بيحسوش؟؟

عندك مشاعر من اللي عند كل الناس ؟؟
ده قلب داوود ضربه لما قطع طرف هدوم شاول (١صم ٢٤ :٥)
.. نسي أن شاول كان جاي يقتله و زعل من نفسه جدا لما قطع له هدومه.
. و انت عمرك ما حسيت زي الناس و لا حسيت بالناس .
. ممكن تقول لي مشاعرك دي معجونة بإيه؟ و لا هي مش موجودة من اصله ؟؟

و قول لي بتعرف توعظ كويس ازاي قوي كده ؟؟
و ازاي بتعرف تغير اقنعتك بالسهولة دي ،
و ازاي يتقنع الناس بالتقوي غير الحقيقية اللي بتبيعها لهم ؟؟
ازاي بتخش تصلي و انت كده ، و انت أخلاقك و افعالك عكس اقوالك؟؟
بتقول لضميرك ايه علشان تخدره كده و تنيمه بالبراعة دي ؟؟ و ازاي انت مصدق نفسك ؟؟

كمان ازاي بتكسر كلام الله و بتحط لنفسك اعذار و القاب بالسهولة دي ؟؟
تهين حد و تقول "ده حب و تأديب" ، و تزعق و تغضب و تشتم و تقول "دي ادارة"
، و تخاصم و تغل و تحقد و تنتقم و تقول "هو اللي غلطان و انا باعلمه" ،
و تتكبر و تقول "ده انا اكتر الناس تواضع" ، تكشر في وش الناس
و تقابلهم بوشك القاسي و تقول "حزم" ، و تشهر بالناس و تفضحهم
و تهين سمعتهم و في نفس الوقت "تطلب من الله يستر عليك"
، و تاكل حقوق الناس و فلوسهم و تقول "ده حقي" ..

سؤال محيرني للي بيعمل اي حاجة من دول : بتعرف تنام فعلا زينا ؟
جواك نار ما بتهداش و لا تنطفي غير لما ضميرك يصحي و قلبك يفوق
، و بدل ما توعظ الناس ابقي اوعظ نفسك علشان تصالحها و تريحها، و تنام بجد زي الناس ..

منقول