منتدى الفرح المسيحى - آه لو كنت نحميا

https://upload.chjoy.com/uploads/156029427874491.jpg

هلم فنبني سور اورشليم و لا نكون بعد عارا (نحميا 2 :17)
آه لو كنت نحميا وعرفت ان مدينتى بدون سور وشعبها عرضه للسبى والعار
آه لو كنت نحميا وقررت ابنى سور لبيتى واحميه من اللصوص والمختالين عليه
تعالوا نبنى اسوار لبناتنا واخواتنا وسيداتنا ونحميهم من الذئاب الخاطفه..
العدو بيحارب علشان ياخد كل ماهو سهل ورخيص بلاش ترخصوا زوجاتكم
وتعنفوهم وحارب من اجلهم .. فكل حرب وليها جيشين
وكل جيش وليه اسلحته وفيه حروب بر وبحر وجو مينفعش جهه تحارب بحر مثلا
وانا احاربها بر لازم ادخل ليها واحاربها بنفس محاربتها فلازم نحارب بنفس اسلحه خصمنا او نكون اقوى منه
فى قصه نحميا شاف اسوار مدينته مهدمه وكان عارف انها هتكون مستعمره للعدو
وسهل جدا ياخدها ويسبى شعبها فقرر وخطط انه يبنى سور للمدينه ويحميها
كل اسرة ليها سور والبيت اللى ملهوش سور يحميه سهل العدو
يسبى الضعيف فيه او ياخد الجعان والمحروم منه.

اتكلمنا كتير عن الاحتياج والاشباع للمرأه النفسي والجسدى والمعنوى
نتمنى كل راجل يكون زى نحميا يراجع بيته ويشوف ليه اسوار من الحب والحنان والعطاء
والبذل لزوجته واولاده ولا ملهوش اسوار اصلا...
للاسف فيه ازواج بيهدموا أسوار بيوتهم بنفسهم ويرجعوا يبكوا وينوحوا
لما خروف من بيتهم يخطفه ذئب مفترس ..
يا ساده ارجوكم فوقوا شويه لبيوتكم متحملوش كل خطأ على المرأه ان كانت بنتك او اختك
او زوجتك كلهم محتاج اسوار منك تبنى... البناء للرجال وليس السيدات...

(كلامى عن اى سيده راحت بمذاجها لاحتياجها
. اما المختطفات بالاكراه فلهم رب هو مسئول عنهم يحميهم ويرد المخطوف منهم
ويرجعه لحظيرته وربنا يحفظنا جميعا من ايدى الخاطفين ومن انياب الاسود)

و الان لحمنا كلحم اخوتنا و بنونا كبنيهم و ها نحن نخضع بنينا و بناتنا عبيدا
و يوجد من بناتنا مستعبدات و ليس شيء في طاقة يدنا و حقولنا و كرومنا للاخرين
(نحميا 5 :5 )