منتدى الفرح المسيحى - بتونس بيك وانت معايا

https://upload.chjoy.com/uploads/155987641683221.jpg

الحقيقة المرُه ..

إن مش أي حاجه بتقدر تعوضنا إحساس الوحده القاسية ،
محاولاتنا في السفر واللمة عمرها مانجحت كلها في إحساس الونس !
بننبسط بس جوانا وحيد ، ضلمة مبتنورش غير في وجود أشخاص معينه
لو حظك حلو هتفضل منور علي طول في وجود صاحبك
اللي بتحب تشاركه كل التفاصيل بمعني أصح لو صاحبك اللي بيونسك موجود معاك .
وكل ظلم الدنيا هيتجمع لو الشخص اللي بإختصار هو مصدر الونس ليك بعيد عنك ! ..

أفلام ومسلسلات و فيديوهات العالم كله مش هتعوضك لحظات الونس اللي بتعيشها معاه
حتي الشات اللي بيفضل مفتوح طول اليوم والصور والحكايات والرغي في التليفون بالساعات
والذكريات اللي بتيجي في بالك كل يوم قبل ماتنام و الصور اللي بتتفرج عليها
كأنك أول مرة تشوفها و تعيد أحداثها جواك من تاني ..

كلها محاولات مش دايماً بتصيب و تغنيك عن وحدتك
و تحسسك نفس احساس الونس اللي بتعيشه في وجوده .

وهيفضل أجمل كوبلية اتقال في الونس ..
" بتونس بيك وانت معايا ، بتونس بيك وبلاقي في قربك دنيايا "

اتمنالكوا حياة مليانه بونس اللي بتحبوهم معاكو ♥️