منتدى الفرح المسيحى - النجاح و الجمهور

https://upload.chjoy.com/uploads/15598290729591.jpg

النجاح مش بس ممثل شاطر ، كمان جمهور شاطر ..
جمهور يكرمه و يقعد يسمع له باحترام، يشجعه و يسقف له ..
كده يخليه يطلع كل مواهبه .. يعمل إيه احسن ممثل مع ناس ما بتحترموش و لا بتقدره ؟
مش ح يطلع اجمل ما عنده، ح يمثل "واجب" مش "إبداع"
، و لما نفسه تنكسر ، حتي اداؤه بينكسر ..

كده برضه أروع عازف ، مستني بس جمهوره يفرح له و يحييه دي بالدنيا عنده ..
و كده اي واحد شغلته بتخليه يقابل ناس، من غير تشجيعهم ينطفي و ينزوي و يختفي..

كده برضه الخادم .. و هو بيوعظ و بيقدم للناس كلمة الله بيقدم روحه و حياته
و كل جهده قبل كلماته.. لما يلاقي ناس مش قاعدة تسمعه بحب ،
عمالة تقوم و تطلع و تخش و تتحرك و ترزع الابواب من غير احترام
، عمالة تلعب في موبايلاتها و تتكلم مع اللي جنبها
، أو مشغولة باولاد عمالة تصرخ و تفرك و سايباهم يجروا في القاعة
و مش هاين عليهم يسكتوهم أو يقعدوا بيهم في آخر صف
حرصا علي تركيز الناس و الخادم معاهم ، يعمل إيه؟

روحيا عليه انه يكمل عطاء و حب ، لكن نفسيا انكسر
، حس أن ما حدش بيحترم حتي وجود الله اللي جاي معاه .
. يدي ازاي و يبدع ازاي و يطلع احسن ماعنده بكل تركيز،
و هو مش حاسس ان حد بيسمعه و لا بيقدره و لا بيتفاعل معاه ؟؟

فيه ناس بتسمع اي خادم و تاخد منه رسايل من الله ..
و فيه ناس بتختار اللي تسمعه .. لو مش عاوز تسمع بلاش تعثره و تعثر الناس اللي قاعدين
.. اكرم للكل انسحب بهدوء افضل للجميع ..

الخادم عاوز مستمع جميل ، يخلليه يكمل و يكبر و و يدي كل اللي عنده ..

الخادم كبير باللي بيسمعوه، الناس هي كل عزه و فخره ،
بلاش تكسروا نفسه و تخسروه ..

مش كده و لا ايه ؟؟