منتدى الفرح المسيحى

https://upload.chjoy.com/uploads/155959492593521.jpg

تقعد تلف و تدور و تشرح و تبرر و عذرك أقبح من ذنبك
، و كلمة "حقك عليّ" كانت اسهل و كنت ارتحت و ريحت ..

تستلف فلوس أو تورط نفسك في مشروع
بسبب حلم أكبر من إمكانياتك أو علشان ما تبانش صغير .. كنت رجعت الحاجة لأصحابها و ما كملتش اسهل و اريح ليك و لغيرك..

تخش في مناقشة و مقاوحة و مناكفة
علشان تكسب معركة كلام من غير منطق و لا حق
.. و كان اسهل تتفهم وجهة نظر الناس
و تريحهم و ترتاح قبلهم و تخللي الجلسة هادية و مفرحة ..

تزعل من حد و تبعد عنه و تتكلم عليه
و تقاطعه أو تدخل وسيط يوقع بينكم اكتر
و تبعت رسايل كلها غضب و تلقيح كلام ..
و كان اسهل تكلمه مباشرة و تسمع منه مش عنه
و تقبله و تريحه و ترجع السلام اللي بينكم ..

دايما الغلط و الشر معقد و مكلكع و يحب اللف و الدوران و الضلمة..
اما الخير دايما مباشر و سهل و مربح و مريح
، تدي فيه شوية جهد و تاخد منه دايما مكسب ..
مش كده و لا ايه؟؟