منتدى الفرح المسيحى - صغير إنما يحير

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - صغير إنما يحير (https://www.chjoy.com/vb/showthread.php?t=625896)

صغير إنما يحير

https://upload.chjoy.com/uploads/155938855291791.jpg

في اي مجموعة فيه واحد بينغص عليها راحتها، عاوز يبان و خلاص،
عنده مشاكله مع نفسه عاوز يطلعها علي غيره
، ما حققش نجاح في حياته أو متعور في نفسيته و جاي يبهت بلونه علي الناس..
تلاقيه في الشغل ، بين الأصحاب ، في الاجتماعات، وسط الخدام ،
في العمارة بتاعتكم أو الشارع عندكم ..

ده "نفسيته صغيرة" ، يعمل مشاكل و يشاغب و يفرض افكاره علي الناس
، طول الوقت حكاوي ، شكاوى، ما يطيقش يقعد غير لما يقول "انا هنا" ..

ده اللي بيحب يخرب اي لحظة حلوة ،
و لو عيون الناس ما شافتوش ما بيهداش : كلامه ، هزاره، لبسه، حكاويه
و مغامراته و بطولاته(اللي غالبا مزيفة و من تأليفه لان ما حدش شافها غيره !!)

و ده ما لوش غير تلاتة تعملهم بكل حكمة :
الأول توسع قلبك و تحتويه ..
و التاني تتجاهله و تسيبه لنفسه اللي للاسف ح تحرقه زي النار اللي بتاكل روحها ..
و التالت لو أحتاج الأمر تواجهه و تحطه عند حده بكل حزم و أدب و حسم و جرأة ، من غير ما تخاف منه ..

و مرات نعمل التلاتة بالجرعة و المدة و الترتيب المناسب ..

صح ؟؟

رد: صغير إنما يحير

الأول توسع قلبك و تحتويه ..
و التاني تتجاهله و تسيبه لنفسه اللي للاسف ح تحرقه زي النار اللي بتاكل روحها ..
و التالت لو أحتاج الأمر تواجهه و تحطه عند حده بكل حزم و أدب و حسم و جرأة ، من غير ما تخاف منه ..

صح يا قمر
ربنا يباركك حببتي

رد: صغير إنما يحير

ده نفس توبيك عامل نفسه أسد ربنا يباركك يا استاذه ولاء

رد: صغير إنما يحير

اقتباس:

المشاركة الأصلية كتبت بواسطة رشا رجائي (المشاركة 1831837)

ده نفس توبيك عامل نفسه أسد ربنا يباركك يا استاذه ولاء

لا مش هو لكن ممكن يكون مشابه شوية ليه
ميرسي على مرورك الغالي