زوّادة اليوم: كلنا متساويين بنظر الرب

بيخبرو عن ستّ ختيارة زارعة بجنينتها اشيا كتير. من بيناتن شتل فاصوليا. هالستّ قطفت هالفاصوليا و قسّمت الحبوب عا اربع كياس بالتساوي حتّى انها زانتهن حتّى تتأكّد انّو كلّن فيهن عالقدّ متل بعضن. ليش اربع كياس؟ لأنّو عندها اربع ولاد و بدّا تعطيهن كلّن من خيرات جنينتها و انتبهو انها ما تركت شي الها! ليش كل هالدقّة بالوزن؟ لأنّو ما بدّا تفرّق بين ولادها و بدّا تعامل الكلّ متل بعضن! ربنا هيك بَينا كلنا بنظرو كلنا متساويين، بيحبنا كلنا نفس الشي! صلاتنا اليوم عا نيّة كل واحد منّا حتّى نكون عا قدّ المسؤوليّة و نكون ابناء صالحين لرب السماوات...الله معكن