|
الوحيد اللى حبنى بجد
https://upload.chjoy.com/uploads/155909105958621.jpg الوحيد اللي مش بحتاج ألبس وِش وأنا معاه هو يسوع. الوحيد اللي مش ببذل مجهود اني أجمّل صورتي عنده.. أو أزوّق في الكلام اللي بقوله.. أو حتى أدافع عن غلطاتي قدامه. الوحيد اللي مش بيفتح معايا تحقيق لما أغلط وأبوظ الدنيا. . هو عارف اللي جوايا من قبل ما أتكلم حتى. هو عارف قد ايه أنا بحبه.. وعارف إني على قد ما بقدر بحاول أفرّحه، وحتى لو مانجحتش في كدة هو برضو مقدّر محاولاتي. هو دايماً موجود.. وبيحبني في أكتر وقت أنا ماستاهلش فيه أتحب.. حتى وأنا عاكك الدنيا.. حتى لما الناس كلها تبعد.. هو بيفضل موجود للآخر. الوحيد اللي حبني بجد.. وأنا ماصدقت ألاقي حد يحبني بكُل حالاتي ويفضل جنبي برغم تقلّباتي الكتير ، ماصدقت ألاقي حد دايماً فاهمني صَح ودايماً شايف الكويس فيا.. ما صدقت ألاقي حد مابيتعبش من مشاكلي، ومابيتغيرش من ناحيتي. ما صدقت الاقي حد يحترم سكوتي وعدم رغبتي في الكلام، وكتير بلاقيه يطبطب عليا من غير ولا كلمة لأنه مقدّر قد ايه أنا موجوع ومش محتاج كلام. الوحيد اللي فاهمني وحاببني زي ما أنا من غير ما أبذل مجهود.. يسوع. |
رد: الوحيد اللى حبنى بجد
الوحيد اللي حبني بجد..
وأنا ماصدقت ألاقي حد يحبني بكُل حالاتي ويفضل جنبي برغم تقلّباتي الكتير ، ماصدقت ألاقي حد دايماً فاهمني صَح ودايماً شايف الكويس فيا.. ما صدقت ألاقي حد مابيتعبش من مشاكلي، ومابيتغيرش من ناحيتي. راااااااااااااااائع جداااااااااااااااااااااااااا |
رد: الوحيد اللى حبنى بجد
الوحيد اللي فاهمني وحاببني زي ما أنا من غير ما أبذل مجهود.. يسوع
مشاركة جميلة جدا ربنا يبارك حياتك |
رد: الوحيد اللى حبنى بجد
ميرسى على مروركم الغالى :) |
| الساعة الآن 10:28 PM |
Powered by vBulletin® Copyright ©2000 - 2025