منتدى الفرح المسيحى - الرضي سر وكنز

https://upload.chjoy.com/uploads/155881615074191.jpg

الرضي سر من أسرار السعادة ناس كتير ما تعرفوش..
أصل مش كل حاجة بنعرف نغيرها :
بنحاول فيها و نقاوح كتير و الباب متربس..

فيه حاجات اتسرعنا فيها و ندمنا
، و فيه حاجات اتأخرنا ناخد فيها قرار و ندمنا
، كل ده بسبب قلة حكمتنا و اندفاعنا
.. أحيانا لان ما لقيناش حد ينصحنا ،
و أحيانا لان حد نصحنا غلط ..
في كل الأحوال اللي حصل حصل
، و اللي وصل وصل ، و الباب اللي اتقفل اتقفل
و الحلم اللي كان عندنا ما نفعش..

نعمل ايه ؟؟
نرضي، نقبل ، نسلم عقلنا للراحة و والطمأنينة
.. الرضي بيخلينا نستمتع باللي عندنا
و نكتشف ان العقل هو اللي ممكن يشوف الحلو وحش
و الوحش حلو ..

مش ح تفرق في الاخر صدقني
، و ما تنكدش علي نفسك بالندم علي اللي كان
و اللي ممكن و اللي ما حصلش و اللي حصل ..

ح تكتشف أن فيه حاجات كويس انك ما عملتهاش
و كنت زعلان، و حاجات كويس انك عملتها
و كنت برضه زعلان..
و ح تعرف مع الايام أن كل حاجة ممكن تبقي حلوة
لو حبيتها و رضيت بيها..

الرضي سر ، كنز ، لو لقيته ح يدخلك عالم تاني من النعمة و السكينة ..