زوّادة اليوم: الوزنات اللي ألله أعطانا ياها

راح حدّاد عالسوق لاقى انّو سعر سبيكة الحديد 5$ اللي هيّي المادة الأساسيّة لشغلو. اشتراها و هوّي و راجع صار يفكّر انّو اذا صنع منها حدوات للأحصنة بيصير حقها 15$ و اذا صنع منها ابر خياطة بيصير حقها 3000 $ و اذا بدّو يكمّل ما بيخلص! الفكرة من هالقصة انّو بنفس الحديد الزلمي قدر يعمل فرق كبير حسب كيف تصرّف فيهن. و نحنا هيك كلنا منولد متساويين، كلنا منولد اطفال بس كل واحد شو بيصير بعدين و قدّيش بتكبر قيمتو متوقف عا هوّي قدّيش بيشتغل عا حالو و قدّيش بيستثمر الوزنات اللي ربنا عطاه ياهن! انت بأخلاقك و تربيتك و نفسيتك بتحدّد قيمتك و مطرحك بحياة الناس و بسجلات السما! الله معكن!