زوّادة اليوم: القداسة والقديسين

بيخبرو انّو ابونا بعدو بأوّل طريق الكهنوت جايي محمّس و قلّو لرئيس الدير انّو كتير حابب بعدين يصير يعمل عجايب متل القدّيسين.
قلّو رئيس الدير انّو درب القداسة طويل و مش سهل ابدا. كَمّل الراهب الشب و سألو شو لازم يعمل حتّى يبلش يمشي عهالطريق. جاوبو الرئيس: مثلا اذا علّمت حدا يقرا بالكتاب المقدّس متل كأنّك فتحت عينين اعمى و فتَّحتِلّو عيونو عالحقيقة! و اذا قدرت تقنع خاطي يتوب كأنّك رجعت حدا من الموت لأنّو الخطيّة موت و التوبة خطوة صوب السما و الحياة الأبدية!...الله معكن