منتدى الفرح المسيحى - قبل بس ما نقول كل الأشياء تعمل معاً للخير

https://upload.chjoy.com/uploads/155809367362531.jpg

قبل بس ما نقول:... "كل الأشياء تعمل معاً للخير"!....

من كُتر احتياجنا للآية دي، محتاجين نفهمها أكتر واحنا بنقولها.

1) من الأصحاح (رومية 8) نكتشف أن الأشياء دي مش الأشياء الجميلة والحلوة،
لكنها الصعبة والمؤلمة.
2) الآية فيها شرط مهم وهو: الَّذِينَ يُحِبُّونَ اللهَ، الَّذِينَ هُمْ مَدْعُوُّونَ حَسَبَ قَصْدِهِ...
الذين عينهم الله ودعاهم وبررهم ومجدهم.
يعني فيه أشياء مش كويسة بتحصل للناس كلها، إلا إنه فيه مجموعة معينة بسبب
إنهم معينين ومدعوين ومبررين وممجدين من الله، الناس دي باتحادها وتمسكها بقصد ومشيئة الله في حياتها
، بتقدر تختبر وتعيش الخير اللي الله بيجلبه ليهم حتى من الأشياء الصعبة في حياتهم.

ملحوظة: باقي الناس بتمر في نفس الأمور، لكن حياتهم للأسف بتتشقلب وتتكدر.

------------------------------
صلاة: خليني أكون ملتصق بيك يا رب وطالب مشيئتك في حياتي،
عشان لما ييجي أي أمر مش سهل أو حلو
، أكون قادر أشوف إيدك فيه وازاي انت بطريقة معجزية (من تخصصك) بتقلبه برضه لخيري.