زوّادة اليوم: خليك متواضع
بيخبرو انو مرة فات الطاووس عند سليمان الحكيم هوّي و عم يمشي بِتَكبُّر و يشوف حالو بجمال ريشاتو الملونين و قال: مش انا احلى واحد بين الطّيور بِشَكلي و الواني؟ ليش الله حَرَمني من صوت حلو، ليش ما فيي غنّي متل غير طيور و هنّي شَكلُن كتير عادي و مِنُن بِشعين!؟
جاوَبو سليمان الحكيم: ما كان لازم تحكي هيك، هيدي حكمة الله اللي شاف انّك كتير مِتكَبّر و شايف حالك بِشَكلَك. لو عطاك صوت حلو مع هالشّكل كنت ما بتِحْكِي مع حدا!
الزّوادة بتقِلّنا اليوم انو ربنا هوي اللّي خَلَقنا و بيعرف كل واحد منا و بيعرف قديش ايدينا بيساعو نِعَم و قديش منقدر نحمل وزنات...عا كل حال مين ما كنت و شو ما كان عندك خلّيك متواضع و اشكر الله عا كل نعمة بحياتك لأنو غيرك عم يتمنى يكون عندو اشيا انت معتبرها بسيطة و تحصيل حاصل بحياتك...الله معكن