منتدى الفرح المسيحى - مشاعر القيامة

https://upload.chjoy.com/uploads/155701075275431.jpg

القيامه باقيت المسها واشوفها في قلوب ناس
مش طالبه غير ضحكه بسيطه من القلب
وطبطبه حب مش طبطبه سد خانه

سكت لسانك عن الكلام عليا شويه.
واتكلم عن اللي خلقني وخلقك اكيد هاتستفاد اكتر
مش هاتستفاد حاجه في الكلام عن وحشتي.
.لكن اكيد هاتستفاد لو كلامك عن حلاوته
قوم لسانك

الي من ننتمي؟!!!
بعد القيامه ربنا علم تلاميذه أن الانتماء يكون لله ولفكر الله.
ولمبادئ كنيسه الله. ولا نقول نحن اولاد إبراهيم أو اولاد موسى..
ولكن فضل المسيح يتكلم عن إبراهيم وموسى لأنهم شركاء في الكنيسه.
ولكن لو كان الشعب فضل منتمي للأشخاص كان هايعطل نفسه عن فرحه الخلاص
ويفضل يقول فين ايام إبراهيم وفين ايام موسى.
. لكن الانتماء اللي عاوزه مننا ربنا في القيامه هو الانتماء له ولكنيسته ولفكره
لأن الجميع زائل الا فكر الله هو باقي

بناء الكنيسه
بناء هيكل سليمان أسهل بكتير من بناء كنيسه
حجر. طوب. رمل.. رسم.. وغيره وغيره
لكن بعد القيامه البنا مختلف
وجع.. اضطهاد.. سجن.. اهانه.. احباطات بكل نوع
لكن روح القيامه هي اللي بتدي الامل في البنا
عاوز تبني خدمه صح لازم تكون شخص قائم من موتك صح
موت ذاتك وقوم اتضاعك
موت سنين عمرك جوه الخدمه وقوم الانسان الجاهل اللي الله اختاره
القلب الحجر سهل اوي يبني مباني
لكن صعب يبني نفوس
خلي قلبك لحمي علشان فعلا تكون خادم قائم وتقدر تقيم ناس

القيامه بتعلم حياه الغربه.. مابقاش فارق مع الرسل رايحين فين
ولا بيناموا فين ولا بياكلوا ايه. الإنسان اللي عايش القيامه.
بيبقى شبه سيده ليس له اين يسند راسه
القيامه تخليك تنام ولو جوه سجن