منتدى الفرح المسيحى - ليا الشرف انك الهي

ليا الشرف انك الهي ..

https://upload.chjoy.com/uploads/155657495893551.jpg

اي حاجه حلوه فيا سببها انت ..
اي حاجه صح بعملها اتعلمتها منك ..
علمتني "اجول واصنع خير" واوزع فرحه علي قلوب الناس ..
علمتني اطبطب ع المجروح واسند المكسور ، و احس ب الموجوعين
علمتني مخافش من حاجه ولا من حد ، واقف قدام "بيلاطس" وانا رافع راسي .
. واتقدم للصليب بكل فخر وكرامه
علمتني اغفر واسامح حتي اللي بيعاديني .. ومردش الجرح بجرح ولا انتقم ل نفسي
علمتني اطلع "راجل" ، لما اوعد اقدر اوفي ، وافضل اد كلمتي
زي ما انت وعدت تقوم وقمت ، و قيامتك قومتني ..

انت بالنسبالي مش مجرد اله رائع ..
انت الاستاذ اللي ياما علمني .. و الدكتور اللي ف تعبي بيكون الشفا ..
ومخرج حياتي العظيم اللي راسم ليا تفاصيل ايامي مشهد مشهد .
. و ضامن بيك ومعاك كل النهايات الحلوه
انت ف حياتي أب حنين .. وحبيب وفي .. وصاحب جدع
انت ال بيست فريند ❤️