زوّادة اليوم: افرحوا للخير اللي بيصير مع غيركن
هالقول مكتوب بأحد الأديار: "من يفرح للخير الذي يعمله الآخرون يكون اجره اجر عامل الخير."
قدّيش حلو تريد الخير لغيرك و تفرح لفرح غيرك.
مش دايما انت بدّك تكون محوَر الإهتمام، و ما لازم يكون عندك مشكلة مع هالموضوع، لازم تعرف انّو في اشيا ما في مهرب انها تصير بس دايما تذكّرو انّو كل شي هوّي لخيركن. كرمال هيك اذا كان دور غيركن انّن يحصلو عا نِعَم لازم تفرحولن و تتذكّرو وصيّة الله لا تشته مقتنى غيرك...اكيد جايي اليوم اللي رح يكون دوركن تحصدو خيرات الرب بحياتكن و تفهمو انّو توقيت الرب غير توقيت الناس. افرحو للخير اللي بيصير مع غيركن كأنكن انتو اللي عملتوه! الله معكن