منتدى الفرح المسيحى - زوّادة اليوم: الكلمة الحلوة الصادقة

زوّادة اليوم: الكلمة الحلوة الصادقة
من اشهر اقوال الطوباوي يعقوب الكبوشي: "يجب ان يفيض لساننا بالماء العذب لا بالماء المالح."
الكلمة الحلوة الصادقة بتترك اثر حلو عند الناس و بيصير كل شي احلى: الشغل، الدرس، الصداقة، العيلة... و الكلمة البشعة بتعلّم و ما بتنتسَى بالهيّن و بتترك اثر بشع و الأكيد انها بتبعِّد الناس عنّك و بتكهرب الأجواء.
الكلمة ان كانت حلوة و ان كانت بشعة ما بتكلّف صاحبها شي...لو كل الناس بيفكرو بهالطريقة و بيعيشو عهالأساس كانت الدني بألف خير بس للأسف دايما طريق الشرّ اسهل و كتار ما بيعملو مجهود يروحو صَوب الخير!
شو ما كانت الكلمة اللي رح تقولوها تذكّرو منيح انّو لحقت و طلعت ما فيكن تسترجعوها...انتبهو...الله معكن