منتدى الفرح المسيحى - بسمع الأذن سمعت عنك أما الآن فقد رأتك عيناي

https://upload.chjoy.com/uploads/155614734501071.jpg

قولتله ..
بس إنت ياأبي أيوب ،
كلمت ربنا كلام صعب أوي ..!
إزاي يعني قدرت تقوله ..
تستذنبني وأنت تعلم إني بريء ..!!😳😳
سبني ابلع ريقي ..
وسبني آخد نفسي من كتر المصايب ..!!
معلش ياأبي ، كلام صعب وعتاب شديد وجريء ..!

رد أبويا وقال ..
فيه أمور كتير ، بتحصل ف حياتنا يابنتي ،
ومابنبقاش فاهمين ليه ..!
تجارب وضيقات ، بنشعر إنها منتهى الظلم لنا ،
وكأن الله يعاقبنا ويترصدها لنا ،
أو أنه من أعلى سماه يراقب فقط ولا يتدخل ..!

قولتله ..
طيب ، وهل جاوبك الله على كل اسئلتك دي ،
وهل فهمك سمح بده كله ليه ..؟🤔🤔

قال ..
ماجاوبنيش على أي سؤال من اللي سألته ..!
الله كلمني عن خليقته ، عن تدبيره الإلهي للكون كله ..
عن علمه بكل صغيرة بتحصل ، وإنه ضابط للكل ..!

طيب ، وهل ده كان كافي ياأبي وطيّب قلبك ..؟!
إبتسم أبي وقال ..
ومين مايفرحش بكلام الله معاه ..؟! 😊😊
مين مايطمنش لما يعرف إن كل صغيرة هو عارفها ،
وضابطها لخير أولاده ..؟!
مين يخاف من حسد ابليس او تجارب العالم ،
وهو إلهه خالق الكون وراعيه وملك ملوكه ،
ويقدر يحول كل شر لخير ..!!🙏🙏

#حقيقي_يارب
بسمع الأذن سمعت عنك ،
أما الآن فقد رأتك عيناي ..❤❤