منتدى الفرح المسيحى - I'm here" انا هنا"

https://upload.chjoy.com/uploads/155614404608251.jpg

المشهد دا كل اما بشوفه في الفيلم ...
لازم اعيده و اتفرج عليه كذا مرة ...
عندي بس تأمل بسيط ....
في شبه واحد و فرقين ...
الشبه كلمة الست العدرا l'm here انا هنا
الفرقين سن السيد المسيح ...
و فعل المساعده بتاع الست العدرا ...

اول مرة و هو صغير ساعدته مساعدة ملموسة و هي انها شالته من على الارض ...
المرة التانية بقي و دي اهم و اعمق غالبا ...
قالتله بس l'm here انا هنا ...
محاولتش تشيل الصليب ....
محاولتش تسكن اي الم ....
بس كل اللي عملته قالت I'm here انا هنا

الجمله دي اقوي من اي مساعده ...

مجرد انك لما تكون ف اي موقف صعب عليك ...

و تلاقي حد بتحبه بيقولك انا هنا ....
مساعده جبارة .. ممكن ميقدمش حلول ..
بس مجرد وجود الشخص دا حتي لو واقف جنبك بس ....

بيديك احساس بالثقة و بالامان ...
ربنا يخلي كل واحد بيعرف يسند ولو بكلمة