زوّادة اليوم: خلونا نكون مرايات
بيخبرو عن كنيسة بعيدة بيوم الجمعة العظيمة في صلوات كتير و تأمّلات. حاطّين عالباب سلّة فيها آيات من الإنجيل و مزامير من العهد القديم كل شخص بيسحب آية يتأمّل فيها. شبّين اصحاب عم يحكو مع بعض. قلّو الأول مش انت بتحب المزمور 91 كتير؟ قلّو التاني: مبلا حلو كتير هالمزمور. قال الأوّل: انشالله الورقة اللي رح تسحبها يكون هوّي. جاوب التاني: لأ انشالله حدا غيري يكون ما بيعرفو يسحبو حتّى يتعرف عليه و يشوف قدّيش حلو! نحنا هيك ربنا حاططنا بهالعالم كل واحد بمحل خلّونا من خلالنا نفرجي الناس اللي ما بيعرفو يسوع قدّيش هوّي اله محبّة و رجا و سلام و نقلّن انّو حبّ الإنسان لدرجة يموت عنّا عالصليب متل اليوم حتّى نربح نحنا الحياة الأبديّة...خلّونا نكون مرايات نعكس جوهر الرب يسوع بيوم الجمعة العظيمة و بكل يوم من حياتنا!الله معكن