![]() |
من أقوال ستى
https://upload.chjoy.com/uploads/155572641288131.jpg *🗣 قالت ستى* ... خايفة أهزك يا غربالى .. يُقَع منك كل عزيز وغالى *🗣 قالت ستى* ... إللى يعاتب الرخيص بيرخص معاه *🗣 قالت ستى* ... إللى فى قلبى على لسانى .. وإللى مش عاجبه ينسانى *🗣 قالت ستى* ... مش كل الورد اتخلق للشم .. ولا كل البشر بتنفدى بالدم *🗣 قالت ستى* ... لا تضرب ولا تعمق فى الجرح .. 💔 ما بعد العداوة إلا الصلح *🗣 قالت ستى* ... ناس جم ناموا عندنا ليلة .. فكروا بقى حالهم من العيلة *🗣 قالت ستى* ... بنت الأصل🙎🏻♀.. تخلي كوخها قصر 🎰 *🗣 قالت ستى* ... ربنا يخللى لنا عقولنا .. لغاية ما نوصل لقبورنا *🗣 قالت ستى* ... ما بقاش فى حد صالح .. كل الناس بقت مصالح *🗣 قالت ستى* ... ناس من لحمك ودمك بايعينك .. ماتلومش بقى على اللى لسه امبارح عارفينك *🗣 قالت ستى* ... مش كل إللى بيحكى فهيم .. ولا كل إللى بيسكت بهيم *🗣 قالت ستى* ... دروس الحياة مش ببلاش .. دافعين ثمنها من عمرنا كاش *🗣 قالت ستى* ... كله ماشى بألف وش .. والقلوب مليانة غش *🗣 قالت ستى* ... ربنا يكفينا شر من رحب بينا وهللا .. ومن ورانا حكي علينا وما خللا *🗣 قالت ستى* ... اشكى لربك ونام .. ولا تشكى لبنى آدم وتتهان *🗣 قالت ستى* ... الدنيا فى الضيق توريك .. مين بيبيعك، ومين بيشتريك *🗣 قالت ستى* ... شيل الريحانة وشمها .. وخذ البنت على ريحة أمها 🍃مع تحيات ستى 🍃 |
رد: من أقوال ستى
مشاركة جميلة جدا ربنا يبارك حياتك |
رد: من أقوال ستى
ميرسى على مرورك الغالى :) |
الساعة الآن 09:07 PM |
Powered by vBulletin® Copyright ©2000 - 2025