منتدى الفرح المسيحى

https://upload.chjoy.com/uploads/155544915058341.jpg

لو فيه حد مش عاجبك أو ضايقك او اختلفت معاه بلاش تفضحه ..
بلاش بقك يجري علي مسك سيرته ..
و بلاش ايدك تجري علي مواقع التواصل تهينه و تشهر بيه ..

مش عاجبك لا تكلمه و لا تروح له ، لكن ما تجيبش سيرته بحاجة وحشة
لان ربنا بيزعل قوي مننا لما ناكل لحم الناس..

جايز غلط ، يبقي ادعيله..
و جايز انت اتسرعت في حكمك و ممكن تكتشف بعدين انك غلطان، يبقي تسكت .

لكن كلام وحش عنه اوعي ، و كتابة وحشة عنه اوعي عشر مرات .
انت كده بتقتله ، بتدبحه و هو حي ، بتدوس علي رقبته برجليك ..

باقول كده لاني لاحظت كتير أن فيه ناس بتخش علي النت
و تكتب عن ناس اللي يموتهم من الوجع ..

و باقول كده لاني شفت ناس ماتت من الحزن ،
و صعبان عليها الدنيا بسبب واحد ضميره سابه يكتب عنهم كلام يحرق قلبهم
و يشهر بسمعتهم و كرامتهم ..

إذا كان رجلان باغيان يقتلان رجلا صديقا في بيته، على سريره؟
فالآن أما اطلب دمه من أيديكما (٢صم ٤ : ١١)

بلاش تموت الناس بكلامك و قلمك لأن ربنا ح يطلب من ايدك دمهم ..

صح؟؟