منتدى الفرح المسيحى - خلق عينين من جديد

https://upload.chjoy.com/uploads/155527589330261.jpg

هو ده العيب_الخلقى اللى كان عند « المولود_أعمى » .
العيب ده ان البيبي بيتولد من غير كرة العين اصلا the eye orbit
، و ممكن تكون لعين واحدة او للاتنين unilateral or bilateral
. و السبب الاعظم للمرض ده هو عيب جينى genetic disorder
، و ممكن كمان يحصل بسبب عدوى فيروسية للام وقت الحمل
خاصة في الشهور الاولى rubella and toxoplasmosis ، او تعرض الام للاشعاعات في فترة الحمل .
و ممكن يتم تشخيص العيب الخلقى ده بالاشعة 4D
او اشعة الفحص التشريحى للجنين fetal anomaly scan
و دى اللى بيطلبها الدكتور عند الاسبوع ال 22 - 24 .
للاسف مالهاش علاج لحد دلوقتى ، علاجها تجميلي بتركيب كرة عين صناعية مكان العين المفقودة .
اسف جدا ، مش اقصد انى اخوف الامهات الحوامل ...
ماتخافوش « حافظ الاطفال هو الرب » ،
لكن تخيلوا ان حالة زى دى بصعوبة ( باستحالة ) علاجها دى
، ربنا يسوع المسيح عالجها من 2000 سنة ، خلق عينين من جديد .
تخيل كم الفرحة و الانبهار اللى حصلت للراجل ده لحظة ما غسل وشه ،
و لقى عنده عينتين بيشوف بيهم . هو فيه حد ممكن يتخيل الفرحة دى !!!! 😀😀
يسوع المسيح هو اله المستحيلات . غير المستطاع عند الناس ( و الدكاترة و الجراحين و العلم و العلماء )
مستطاع عند الله ، و هو نفسه اللى قال « اسألوا تعطوا
، اطلبوا تجدوا ، اقرعوا يفتح لكم » ... المطلوب بس انك تطلب منه اللى نفسك فيه
- بإيمان ابن بيطلب من باباه حاجة ، هتلاقيه بيديك اللى طلبته في وقتها
لك المجد ياربي يسوع يا خالق الكون منذ البدء و صانع المستحيلات في كل زمان . امين
#احد_التناصير
#احد_المولود_اعمى
#احد_الاستنارة ♥