منتدى الفرح المسيحى - حكمه قالها المولود اعمي

"ونعلم ان الله لا يسمع للخطاه ولكن ان كان احد يتقي الله ويفعل مشيئته
فلهذا يسمع"

https://upload.chjoy.com/uploads/155526626243551.jpg

دي حكمه قالها المولود اعمي وهو وسط الفريسيين
الموقف بيبين ان الكتبه والفريسيين عندهم السلطه الاعظم والاكبر
وماسكين واحد مولود اعمي غلبان شحات فقير وجاهل وبيدوه درس ف الاخلاق
وعاوزين يطلعوه هو والمسيح غلطانين☹️
بس الجاهل الاعمي قال حكمه غاظت اليهود جداً لدرجه ماعرفوش يجادلوه وطلعوه بره😃
قالهم ان ربنا بيدور وشه وسمعه عن الخاطئ اللي مش عاوز يمشي معاه ورافض عمل الله
واللي مش حاسس ان هو خاطيء وماشي في الحياه بالطول والعرض
فعلا ربنا مش بيسمعه✋️
لكن الخاطيء اللي حاسس بخطيته وعنده انسحاق روح
ده ربنا بيفرح بيه وبيتشغل فيه وبيه😍
المولود اعمي اثبت ان الحكمه حتي ولو صوتها واطي وخارجه من انسان جاهل
اقوي من الصوت العالي واقوي من المتعلمين اللي حافظين ومذاكرين كتاب الله😇
دي الحكمه النازله من فوق مش الحكمه الارضيه😍
يارب احنا كمان طالبين منك انك تفتح عيونا زي مافتحت عين المولود اعمي علشان نبصر جمالك💖