منتدى الفرح المسيحى - خليك مستنير من الداخل

https://upload.chjoy.com/uploads/155512064808921.jpg

الخدمه لو اتحولت عندك للقب علشان يتقال عليك فيه الخادم راح الخادم جه..
أو مستني حد يقولك. ياه وجودك فرق اوي في الخدمه..
اعرف انك هاتخدم ساعتها نفسك
وهاتنسي انك لازم تكون تحت رجل المخدوم
وهايفضل احساسك طول الوقت ان كل الخدام دول مش فاهمين وانت اللي جاي تنور الضلمه
ساعتها كلهم هايبقوا نور وانت هاتفضل ضلمه
احفظ نفسك من انك تسعي في أي شئ غير أن انا وانت
نسعى فعلا اننا نجاهد في ضعفنا اللي مش عارفين نبطله..
نسعى بس اننا نعيش في الأبديه وساعتها كله هايبقي سهل
هاتلاقي نفسك فعلا خادم منور.
اصل كلمه خادم مستنير مش بتتقال على اللي فاهمين نفسهم احسن من الكل
أو اللي بيقولوا على نفسهم اننا المفروض نبقى في مكانه افضل
الخادم المستنير بتتقال للإنسان المتضع.. المنسحق
..اللي بيخدم خلاص نفسه قبل ما يخدم خلاص الاخرين
خليك مستنير من الداخل