منتدى الفرح المسيحى - مشكلة قليلة تمنع بلاوي كتيرة

https://upload.chjoy.com/uploads/155493619864521.jpg

المشكلة زادت
لاحظ كده ، لما تطلب حل مشكلة تلاقيها اتعقدت
، و بدل ما تتحل تزيد صعوبة ..

التلاميذ وسط هياج البحر صرخوا من اول النهار ،
و المشكلة زادت لما كمان الدنيا ضلمت ؛
تصور عواصف و رياح و هياج بحر و الدنيا سودة كحل !!

كمان المولود أعمي، بدل ما ربنا يفتح عينيه مرة واحدة ،
يحط له "طين" ، اللي بيعمي بدل ما يشفي!!

المرأة الكنعانية ، اللي طلبت منه أن بنتها تخف ، سابها و ما ردش ؛
مش بس كده ، قال لها "ليس حسنا أن يؤخذ خبز البنين و يطرح للكلاب" !!

و دي طريقة ربنا :

١- يسيبك في الأول علشان تعرف انك فعلا ضعيف،
شوية "هوا" يخوفوك، و حبة عيا يكسروك..
٢-يسيبك تتوب الأول عن خطية ح تحرمك من السما،
قبل ما تاخد حل لمشكلة بسيطة علي الارض ..
٣-يخليك تحس بالناس التعبانة اللي زيك علشان لما تاخد الحل من الله تساعدهم..
٤-يديك فرصة تقوم بدور و لو بسيط بس ضروري زي الاعمي لما اغتسل في بركة سلوام..
٥-يعلمك تصلي اكتر و تقربله اكتر ..
6-علشان تحس بنعمة ربنا و فضله فتتعلم الشكر و الرضى..

انما في الاخر لكل مشكلة بتحصلك، معجزة ح تحصل لك ..

يبقي مشكلة قليلة تمنع بلاوي كتيرة !!
مش كده و لا ايه ؟؟