منتدى الفرح المسيحى - ربنا بيسيب جوانا حب

https://upload.chjoy.com/uploads/155454567154811.jpg

تخيلت لما السامريه عطشت بعد اليومين الى قعدهم المسيح فى السامره
وفضلت تدور على الجره القديمه
واللى كان بيحبها خبط على بابها
والحرب زادت عليها
ولسه شايفه نظرت الناس ليها
والشيطان قعد يفكرها بكلمه الناس لما قالولها
( احنا مش امنا بكلامك احنا أمنا لما شوفنا)
والشيطان قعد يقولها اوعى تفتكرى انك اتغيرتى او حتى الناس غيروا فكرتهم عنك
انتى لسه زى ما انتى بتعطشى
لكن اللى متاكد منه زى ما ابليس بيسيب جوانا حرب .. ربنا بيسيب جوانا حب
مهما اتحاربت ارجع لكلامه اللى يرويك
مهما وقعت ارجع لكلامه اللى قالك مهما سقطت قوم
ممكن انا وانت نعطش من جديد
بس معانا الحب معانا الكلمه اللى لما بنقع ونعطش نترويى منها من جديد
العطش موجود طول ما احنا فى العالم اللى شمس تجاربه شديده
لكن كلمه الله وحياه الكنيسه لو عشتها من قلبك مع الوقت
مش هاتحس انك عطشان لاننا هانحس اننا موتنا عن عالم العطش