منتدى الفرح المسيحى - بين داود وشمشون

بين داود وشمشون

https://upload.chjoy.com/uploads/155432813582121.jpg

الاتنين اخطأوا والاتنين خرجوا خارج مشيئة الله باخطاء فادحة ..

لكن الفرق ان شمشون استسلم وكمل باقي حياته ضعيف
خارج قيادة روح الله ومسحته وتدعيم قوة الله .

اما داود
https://upload.chjoy.com/uploads/155432823499821.jpg

فقاتل انه مايفقدش قيادة روح الله
مزمور 51 بيوضح انه كان بيقاتل انه مايفقدش مسحته ..
واكتر صرخة صرخها .. لانه كان عارف سرها هي انه مايفقدش مسحته
.. وكان بيصرخ "روحك القدوس لا تنزعه مني" لانه عارف ان ده سر قوته وده سر تاثيره الحقيقي
.. ولو فقد ده هايعيش حياة بعد كدة بطعم موت .. حياة ملهاش معني حقيقي .

اللي جرب مسحة الله واستخدامه بقوة الروح
عارف ان خسارة اي شئ تتعوض
لكن خسارة المسحة معناها فقدان الحياة والانطفاء التام لها ..

للاسف شمشمون خسرها وكتير من رجال الله وقديسيه بيخسروها
بسبب التمادي في اطفاء الروح داخلهم

لكن قاتل زي داود
انك ماتخسرش مسحتك وقيادة روح الله ليك
اخسر اي حاجة
في سبيل عدم خسارة دي
فخسارتها يعني استكمال الحياة بدون معني حقيقي .

يارب
"مسحة وقيادة روحك القدوس لاتنزعها مني"