منتدى الفرح المسيحى - يابختك لو عندك اصحاب اطفال

10 حاجات هاتستمتع بيها لو عندك اصحاب اطفال

https://upload.chjoy.com/uploads/155432709401821.jpg

١) هتتلامس مع طبيعة الانسان البريئة النقية قبل ما تتلوث بالخطية والخوف والالتواء والمكر👨‍🦰 .
٢) هاتقدر تتنطط وترقص وتصقف وتجري وتنطلق بكل تلقائية بدون تعقيد وبدون ما حد يبص لك باحتقار 🕺💃 . .
٣) هاتضحك من قلبك مش علشان دمهم خفيف لكن لانك بتتعامل مع شخصيات تلقائية جدا 🙆‍♂️🙆‍♀️.
٤) هاتشوف فيهم نفسك وانت صغير ..
وهتتعامل معاهم كأنك بتتعامل مع نفسك وانت صغير وبالمعاملة اللي كان نفسك تتعامل بيها .
٥) مش هاتجتهد علشان تاخدهم للعالم بتاعك ،
لان هما بكل سهولة هياخدوك لعالم ديزني بتاعهم وينسوك نفسك بكل همومها .
٦) هاتسمع ترانيمهم واغانيهم اللي كلها فرح وضحك وانطلاق واستعراض
.. مش هاتسمع الكابة بتاعت الكبار .🎵🎹🎤
٧) هاتخرج برة ذاتك لو مش بمزاجك هايكون غصب عنك لانك بتتعامل مع كائنات فضائية 🙅‍♂️🙅‍♀️😅
٨) هاتمثل معاهم حتي لو مش بتعرف تمثل 🎬🎭
وهاتتفرج علي مشاهد افلام ومسلسلات واعلانات لايف ..
وكمان هاتحفظ افيهات جديدة تعرف تهزر بيها مع الكبار 😂
٩) مش هتحتاج دوا للضغط .. لو ضغطك عالي او واطي
فعليك بطفلين يتجمعوا حواليك هايهبطوه ويعلوه زي المرجيحة 🏃‍♂️🏃‍♀️
١٠) واخيرا يا سعدك وهناك لو قابلتهم في قاعة فرح
.. هاتتفرج وتستمتع بكل انواع الاستعراضات (باليه وسيرك واولومبياد 🎡💃🧜‍♂️🏊‍♂️)

واخيرا يابختك لو عندك اصحاب اطفال