منتدى الفرح المسيحى - يمكن القى عريسى زى مانتى لاقتيه

https://upload.chjoy.com/uploads/155424484639931.jpg

واحد حب واحده مشى عشانها بالمشوار
اتحمل مشي ساعات في حر وشمس النهار
ومن عشقه وحبه فيها وصل قبل المعاد بمعاد
وبلهفه وشوق مستنيها بيدور فى وشوش اللى عدا وفات
ولما هلت وبعيونها طلت القلب دق دقه واتنطط عليها
لكن الحلوه ام عيون برضه حلوه لهى حاسه بيه ولا داريا
قال وماله أصل فى سوادها انا عاشق جميله ولابدر في تمامه
ولما وصلت واتكلم معاها جذبتها رقته وجمال طلته الحلوه اتلخبطت وداب فيها قلبها
أصله طلع عاشقها بجنون وعنده سر مكنون وعارف عنها كل الامور وعرف ازاى يوقعها فيه
الحلوه عشقت جماله ودابت فى حلاوه كلامه واتمنت تكونه عروسه بعد ماشافت حنانه
اصل قلبها بسرعه اتخطف وزغرطت وقررت تعمل فرح
ونادت العيله واهل البلد يرقصوا معاها فى الفرح وطلع فرحها اجمل فرح
ياعروسه يا ام عيون كحيله يابدر منور في قلب عريسك
قوليلى ازاى عرفتى تلاقيه وازاى انتى كمان دوبتى فيه
وانا اعمل زيك واكون مأسوره ليه قوليلى اخد الجره معاكى واملا الميه يمكن القى عريسى زى مانتى لاقتيه .