زوّادة اليوم: الشرير كل هدفو يخرّب
 

زوّادة اليوم: الشرير كل هدف يخرّب
يسوع المسيح اجا عالأرض حتّى يجمع الناس بإسم المحبّة. الشرير كل هدفو يخرّب شغل الرب و يفرّق بين الناس. بيقصد يؤذي الناس اللي كتير قريبين من بعضن كرمال هيك منسمع بمشاكل عائلية كتير، بناس متزاعلة، بولاد ضيعة مختلفين... بس بتعرفو مش الحق عليه الحق علينا نحنا لأنّو منفتحلو مجال يتدخّل بحياتنا و مش محَصْنِين حالنا منيح بيسوع! اكتريّة الوقت بيخلق زعل من ما شي و بيصير يلعب عا كبرياء الإنسان و يخلّيه يفكّر انّو الحق عالشخص التاني و هوّي اللي لازم يجي يصالحك بوقت بيكون كل الموضوع سوء تفاهم زغير و ما بيكون الحق عا حدا و بكلمة حلوة بيخلص! وين ما في ناس بتحب بعضها بصدق رح يجرّب الشر يفوت. خصوصا بزمن الصوم بتكتر التجارب حولنا. اذا تجرّأ الشيطان و جرّب يسوع المسيح بالبريّة بدّو يوفّرنا إلنا؟! متل ما يسوع طلع ربحان من معركتو مع الشرّير نحنا كمان اكيد منقدر نعمل هالشي.الله معكن

https://a.top4top.net/p_1183r7ws10.jpg

رد: زوّادة اليوم: الشرير كل هدفو يخرّب
 

ميرسي على زوادة اليوم

رد: زوّادة اليوم: الشرير كل هدفو يخرّب
 

متل ما يسوع طلع ربحان من معركتو مع الشرّير نحنا كمان اكيد منقدر نعمل هالشي

رد: زوّادة اليوم: الشرير كل هدفو يخرّب
 

ألف شكر على المرور الغالي أخوتي الأحباء بركة الرب يسوع تكون معكم دائما