زوادة اليوم : حلو تفكر بغيرك
 

زوّادة اليوم: حلو تفكر بغيرك
بيخبرو عن زلمي ختيار طلع عالتقاعد كان يشتغل بشركة تعهّدات و عمار. هوّي و ماشي عا بيتو عم يفكّر كيف بدّو يقَضّي وقتو من اليوم و رايح بيلتقي بولاد زغار عم يشتغلو بورشة و عم يحملو حجار اتقل منّن، قرّب حكي معن قالولو انّن تركو المدرسة و عم يشتغلو حتّى يساعدو اهلن اللي مش قادرين يدفعو مصاريف التعليم. كوّع بنص الطريق و رجع عالشركة و طلب يِرجع عالشغل و بس انسأل عن السبب قال انّو بدّو يقدّم معاشو لمتل هالولاد حتّى يتعلّمو و يعيشو طفولتن و ما يكبرو قبل وقتن! قدّام هالمبادرة ما قدرت الشركة ترفضلو طلبو و حتّى انّن زادولو معاشو حتّى يساعد عدد اكبر. و بقي عهالحالة حتّى بطّلت صحتو تساعدو...الزوّادة اليوم بتقلنا حلو تفكّر بغيرك لو عا حساب حالك و اللي بتتمناه الك تتمناه لغيرك، و بس تتعب كرمال حدا تاني ما بتكون تعبت عالفاضي و اذا عطيت بدل ما تاخد ما بتكون غلطان لأنّو كنوز الأرض باقية بالأرض و الخير اللي منزرعو هون بيزهّر كنوز بالسما!الله معكن

https://b.top4top.net/p_11812wztd0.jpg

رد: زوادة اليوم : حلو تفكر بغيرك
 

ميرسي على زوادة اليوم

رد: زوادة اليوم : حلو تفكر بغيرك
 

غلطان لأنّو كنوز الأرض باقية بالأرض و الخير اللي منزرعو هون بيزهّر كنوز بالسما