منتدى الفرح المسيحى - مناجاه للرب يسوع ..صباح الخير يارب

https://upload.chjoy.com/uploads/155321150321731.jpg

صباح الخير يارب.
وحشتنى ووحشنى الكلام وياك. وايه يارب أخبار سماك.
وايه أخبار ام النور. اللى لينا عون وسور.
وايه اخبار الشهداء والقدسين والابرار والمؤمنين والمعترفين اللى معاك.
بص يارب وحياةكل دمعه بكتها الست العدرا تحت صليبك.
أمسك ولادك يارب فى إيدك. اللى معاك يارب واللى عايز يسيبك.
اللى بيرضيك واللى عايز يبيعك. وبشفاعة كل واحدة
وكل واحد يارب حبك اسمعنى.
اشفى يارب كل مريض. أعطي كل فقير مسكين.
حافظ يارب على بيتك كنيستك.
ولادك بناتك. واللى فى الغربه.
واللى ظروفهم صعبه. والغريب والضيف
والارمل والارمله واليتيم ومن ليس له احد يذكره
ومحبوس في الألم والكأبه بمفرده.
واللى حمله تقيل واللى حمله خفيف.
فرح كل قلوب أولادك. ملناش اب يارب بدالك.
اللى نفسه فى طفل يارب أعطيه.
ومد إيدك وباركه. قوى القلب وكمان نقيه
كل مديون سدد دينه. وكل أعمى فتح عينه.
وكل خاطى قربه ليك. وكل عاصى حببه فيك.
كل اللى اتكلمت يارب عنهم. واللى نسيت يارب اذكرهم.
عيش جوه قلوبنا ونضف فيها. وكل نفس ضاله يارب لاقيها.
ومد إيدك على الأرض ولحميها. أنت عملتها من غير شوك.
واحنا يارب كنا فوق. ونزلنا من سماك.
شرورنا ماتنفعش يارب هناك. طيب رجعنا ليك.
حببنا فيك. وأثبت فينا. وثبتنا فيك.
امين يارب. يارب أمين.