منتدى الفرح المسيحى

https://upload.chjoy.com/uploads/155319707213671.jpg

النهارده عيد الأم ، عيد الدنيا كلها ..

عيد ام الإنسانية كلها ، الست اللي ربنا لما جه يخلقها،
ما عملهاش من تراب، إنما من لحم .. شايلة الكون في رحمها،
قلب يدق الأول و بعدين الدنيا قلبها يدق .. ادت من عمرها و دمها و حضنها و لبنها
لابنها أو بنتها و مهما الراجل كبر هو برضه ابنها ..

من عظمتها الحضارات القديمة أطلقت عليها لقب "إلهة الحب و الخصب و الجمال و الزرع و النمو " ،
و لبستها تاج الملك و خلتها تحكم العالم في التاريخ القديم..

الست اللي شالتنا في بطنها و عقلها و قلبها تستاهل منا نشيلها في عينينا العمر كله ..

ظاهرة اذهلت الكون : ام و زوجة و مدبرة و قائدة و معينة
،
تحمل و ترضع و توكل و تسند و تذاكر و تنضف و تدبر ، جمعت الدنيا في كفيها

، مستكترين عليها يوم ؟؟

كل سنة و كل أم في الدنيا بمليون خير و فرح و سلام..