منتدى الفرح المسيحى - لما ربنا يبقي له رأي تاني

https://upload.chjoy.com/uploads/155310674554681.jpg

اتولد و عاش أعمي ، لكن ربنا خلق له عين ،
رغم انه لا طلب و لا صلي ، كان عود نفسه يعيش كده
؛ لكن ربنا له رأي تاني انه يكمل عمره زي باقي الناس.. (يوحنا ٩)

كان مرمي علي البركة له ٣٨ سنة مشلول مالوش امل
، لكن ربنا كان له رأي تاني ،
رجع الحياة لرجليه و رجعه يمشي و يجري زي بقية الناس ..(يوحنا ٥)

كان ميت بقاله ٤ أيام، لكن ربنا له راي تاني :
امر أن روحه ترجع له و يعيش قد عمره عمر تاني (يوحنا ١١) ..

الريح كانت ح تقلب المركب ، و العواصف ما لهاش حل
؛ لكن ربنا له رأي تاني : أمر انها تخرس، ووصل المركب للشط بسلام ..

و دايما ربنا له رأي تاني .. حتي لو اتأخر علشان يقربنا منه و من ابديتنا

، لكن أوامره ح تمشي علي الكل ..

اليأس يهرب منه ..
المرض يجري من امامه ، حتي لو سابه لحكمة منه ..
المشاكل تختفي حتي لو قعدت شوية تنضف قلوبنا من شوية كبر و سواد و عدم نقاوة ..
الأشرار بدل ما يتعبونا يعلونا و يسببوا لينا الخير ..

ما تخافش، ربنا ليه دايما رأي تاني ، و اكيد احلي من رأينا..

مش كده و لا ايه ؟؟