منتدى الفرح المسيحى - وهفضل علي بابك مستني

خلي عنيا عليك علي طريقك الأبدي
دي ريح كتير عليا بتشد هياجها وتهدي
وفي هدوئها جواها بتخطط لهياجها تاني وتعدي
وصار عدوي يعايرني بإن هكون فيها لوحدي
وعمال اقاوم بقوة ذراعي رياح قايمة ضدي
وبرغم كل اللي راح ليا رجاء ومازال الإيمان عندي
وفجأة لقيتك جايلي بذراع قديرة تسندني
وبرغم الريح والعواصف بالنصرة بتيجي توعدني
انا لسة صغير ايماني فأعن ايماني ياربي
في وسط صخور بتخبطني وعدوي هدفه يبعدني
عن خلاصي وغاية ايماني وفي ساعة الشر يجلدني
عيني مازالت علي عياني ارفعها للسما وجددني
وعدوي في ضعفي أعياني فتعالي تاني وشددني
وبقوة في ضعف إيماني قوة صبرك احتملتني
وبتدي نصرة تحتويني بتشفي وفي ضعفي احتويتني
انا جاي دلوقتي بحكيلك كل اللي جوة في قلبي
ولذراع القدرة الالهية عيني عليك فيها ومتأني
وكل ريح تعبتني هتصد هياجها وهتعيني
هفضل علي بابك مستني
وهفضل علي بابك مستني