منتدى الفرح المسيحى - قد تعبنا الليل كله

"يا معلم، قد تعبنا الليل كله ولم نأخذ شيئاً " لوقا 5: 5

https://upload.chjoy.com/uploads/155250647649681.jpg

التلاميذ قعدوا طول الليل يرموا الشبك ويحاولوا يصطادوا لكن للأسف تعبوا جداً وماجابوش ولا سمكة
، بس لما أمرهم يسوع وقالهم ارموا الشبكة هنا الوضع اختلف
ماكانوش قادرين يشدوا الشبكة من كُتر السمك.
إحنا بقى شبه التلاميذ اللي سهروا طول الليل يرموا في الشبك وماصطادوش ولا سمكة،
يمكن أكون تعبت سنين طويلة وماحققتش حاجة من أحلامي،
وكل محاولاتي اللي كنت باعتمد فيها على نفسي فشلت.
يمكن عشان ماكنتش بأقوله إني محتاج مساعدة،
ولا باعلن ضعفي قدامه، أو يمكن كنت حاطط عيني على قدرتي المحدودة.

يارب جاي باعلن ضعفي واحتياجي الشديد ليك
وواثق ان قوتي فيك وحدك.
#كلمة_لنفسي