|
صلّوا للي مش قادرين يحكّوا
https://upload.chjoy.com/uploads/15524252604841.jpg صلّوا للي مش قادرين يحكّوا.. للي خايفين يكشفوا وجعهم لحد.. للي جربوا قبل كدة يعرّوا جرحهم ويتكلموا، بس للأسف اللي سمع ماطلعش أمين على الجرح ده وزوده أكتر.. صلّوا للمحبوسين جوه خوفهم وضلمتهم ومش قادرين يتحركوا.. صلّوا للي محدش شايف وجعهم ولا حاسس بيه. لأنهم ببساطة مش قادرين يعبّروا عنه أو حتى يبيّنوه.. صلّوا للي باينين من بره ناشفين ومتماسكين، بس من جوا مكسورين مش مستحملين كلمة.. للي تفكيرهم مش بيقف، وشكوكهم بتزيد يوم عن يوم.. وللأسف ماينفعش يصارحوا حد، لأن محدش هايفهم ولا هايهتم.. صلّوا للي حواليهم ناس كتير، بس من جواهم موجوعين باحساس الغُربة والوِحدة اللي مابتتسدش ولا بتتعالج.. صلولهم وماتوقفوش صلاة، لأنهم كتير اوي للأسف! |
رد: صلّوا للي مش قادرين يحكّوا
صلّوا للي باينين من بره ناشفين ومتماسكين، بس من جوا مكسورين مش مستحملين كلمة..
للي تفكيرهم مش بيقف، وشكوكهم بتزيد يوم عن يوم.. وللأسف ماينفعش يصارحوا حد، لأن محدش هايفهم ولا هايهتم ربنا يباركك ويكون معك دايما يا أختي الغالية |
رد: صلّوا للي مش قادرين يحكّوا
ربنا معاهم ويفرح قلبهم |
| الساعة الآن 10:02 AM |
Powered by vBulletin® Copyright ©2000 - 2025