منتدى الفرح المسيحى - المشرحه مش ناقصه جثث

https://upload.chjoy.com/uploads/155151973143831.jpg

لما تشوف ست جامده و ب 100 راجل اعرف ان خِلِي بيها 100 راجل قبل كده
وخلوها تخلق من نفسها الراجل الافتراضي اللي مالقتهوش في اللي حواليها

لما تلاقي ست قلبها زي الحجر ... تبقي اتحطت في 100 موقف كسروا قلبها ..
واضطرت بعدهم تقسّي قلبها لحد ما الجروح عملت عليه قشره جامده قوي ..
بس لِسَّه من جوه ضعيف وهش جداً..!!

لما ما تلاقي ست ما شفتلهاش دمعه في أشد المواقف ..
اعرف انها باتت ليالي طويله دموعها علي خدها لحد ما نشفت وخلصت خلاص ..
الدمعه بقت بتنزل جوه قلبها مش من عينيها

لما تلاقي ست شايله كل اللي حواليها ..
اعرف انها احتاجت اللي يشيلها زمان قوي ومالقتش..!!!
وعلشان كده بقت هيه اللي بتشيل علشان خايفه علي اللي حواليها من خيبة الأمل

لما تلاقي ست مش ست ..
اعرف انها عاشت مع ذكور وقابلت ذكور بس ما عاشتش مع رجاله ولا قابلت رجاله

لما تلاقي الست دي ..
يا تسترجل وتحسسها انها ست الستات ..
فترجع ست وتسلمك الزمام وهيه راضيه وسعيده علشان تسوق انت
يا توريها جمال خطوتك لان المشرحه مش ناقصه جثث