منتدى الفرح المسيحى - مبيفتكروناش غير في المشاكل!

منتدى الفرح المسيحى (https://www.chjoy.com/vb/index.php)

- شبابيات الفرح المسيحى (https://www.chjoy.com/vb/forumdisplay.php?f=91)

- - مبيفتكروناش غير في المشاكل! (https://www.chjoy.com/vb/showthread.php?t=611277)

مبيفتكروناش غير في المشاكل!

https://upload.chjoy.com/uploads/155143829301211.jpg

العلاقات الإنسانية معمولة عشان نرتاح ونتبسط ،
عشان نحكي براحتنا ونقول اللي جوانا..
عشان لما نتخنق نجري نتصل بيهم من غير ما نشيل هم انهم هيلومونا ويقولوا علينا "مبيفتكروناش غير في المشاكل!"..

عشان لما نبقى مش قادرين نشوف حد او نرد على حد يفهمونا..
ولما نرجع وسطهم تاني يتعاملوا معانا كإن محصلش حاجة..
عشان نتكلم معاهم من غير ما نفكر في الكلام مليون مرة قبل ما نقول حرف منه..
عشان نحكي معاهم في كل اللي قانون "مينفعش" مانعنا نقوله او حتى نحس بيه..
عشان نبقى على طبيعتنا معاهم وعادي نسمح لملامحنا تاخد نفس شكل اللي جوانا..

العلاقات الإنسانية موجودة عشان نكمل بعض..
عشان نملى بعض طاقة إيجابية..
عشان نفرح بعض وقت الزعل ونقوي بعض وقت الضعف ونضحك بعض وقت البكا..
عشان لما نشوف رقمهم نفرح..
ولما نقابلهم نحس اننا مرتاحين..
ولما نحكي معاهم نحس اننا خلصنا م الهم والتفكير..

احنا موجودين في حياة بعض عشان نسعد ونساعد ونساند ونريح بعض..
مش عشان ننكد ونكسر في بعض..

رد: مبيفتكروناش غير في المشاكل!

موضوع جميل
ربنا يفرح قلبك يارينا

رد: مبيفتكروناش غير في المشاكل!

احنا موجودين في حياة بعض عشان نسعد ونساعد ونساند ونريح بعض..
مش عشان ننكد ونكسر في بعض

صح يا قمر
ربنا يباركك حببتي

رد: مبيفتكروناش غير في المشاكل!

احنا موجودين في حياة بعض عشان نسعد ونساعد ونساند ونريح بعض..
مش عشان ننكد ونكسر في بعض..

ميرسى للموضوع الجميل
يارب يفرحك

رد: مبيفتكروناش غير في المشاكل!

ميرسى لمروركم الغالى
:):):)