منتدى الفرح المسيحى - ابوك السماوى يعلم القصة الكاملة

https://upload.chjoy.com/uploads/155121409838791.jpg

وقت النجاح وتحقيق الحلم
هايحسدوك علي حظك

لكن مش هايشوفوا الانكسارات اللي اتكسرتها علشان توصل للمكان ده ..
مش هايشوفوا الحاجات اللي اخترت تضحي بيها علشان تتقدم .
. مش هايعرفوا الحاجات اللي اخترت تتحرم منها علشان تنجح .

لو كاتب نجحت روايته او كتابه .. مش هايبصوا قد ايه اتحرم من اوقات رفاهية كتير
واختار انه يقعد مع نفسه ويضغط علي نفسه اوقات طويلة علشان يركز كويس ويرتب افكاره صح .

لو شخص داخل مسابقة وبيلعب دور معين وتوج باللقب
.. مش هايبصوا للايام اللي بيفقد فيها من وزنه ودخل في نظام غذائي قاسي
علشان شكله يكون سليم ومناسب .

مش هايشوفوا المحاولات اللي باتت بالفشل واوقات الانكسار والالم اللي ربنا شكلك فيها
وخرج منك النور ده .. مش هايشوفوا الوقت اللي كنت بتبكي فيه ومش لاقي اي اجابات .
مش هايشوفوا الاوقات الطويلة اللي كانت الابواب مقفولة فيها بشدة وعمال تعافر ومفيش فايدة .

مش هايشوفوا غير الجملة اللي بتقولها وانت بتتوج ،
الناس لا تري سوي الجملة التي تقولها ، لكن ابوك السماوي يعلم القصة الكاملة
وماوراء الجملة من سطور .