منتدى الفرح المسيحى - أحسن تكون ناسي إن الكل بيعافر

https://upload.chjoy.com/uploads/155087384396451.jpg

لوعندك حد صديق . . أخ . . جار . . زميل . . قريب . . إبن .
. المهم إنه عزيز على قلبك وحقيقي إنت حابب تساعده ،
متفرضش عليه تجربتك . . متوعظهوش ولا تنصحه .
. لما يسألك عن رأيك قوله بطريقة متجرحهوش عشان لو وعظته ونصحته وعطيته تجربتك يعيشها
، هتبقي بتحبسه في أفكارك وقدراتك اللي هي مختلفة تماماً عن أفكاره وقدراته .
. خلقنا الله كيانات متفردة . . كل إنسان مختلف تماماً عن التاني حتي لو تشابهت الظروف والأحداث .
. زي أم بتكتب الإبنها الواجب . . أو ماسكة إيده طول الوقت عشان يكتب صح .
. أمال اساعد اللي بحبه ده إزاي ؟ ؟ اسمعه للآخر تماماً . . خليه يطلع كل أفكاره
ومشاعره من غير ما تقاطعه ولا تديله حلول .
. لما هتطلع الحاجات دي بره ، هيشوفها على حقيقتها وهتلقاه هو بيحط أكتر حلول تناسبه .
. بس ساعده يشيل الحواجز اللي قدامه وحاجبة عنه نور الله لحياته .
. ساعتها هيتغلب على مشاكله وإنت كمان هتبقي أقوي في مواجهة مشاكلك .
. أحسن تكون ناسي إن الكل بيعافر . .
بس حس بيه . . طبطب عليه . . شجعه . . قوله تقدر . .