منتدى الفرح المسيحى - انزل جوه ارض معركتى

https://upload.chjoy.com/uploads/154914532907191.jpg

انت عارف ان اتخذلت قدام اللى ولا جه ف خيالى انهم يخذلونى
انت عارف ان ياما اتكشفت بكل اللى جوايا قدام ناس افتكرتهم الامان والحمايه
لكن عروا ضهرى ف غيابى بكلام يوجع .
انت عارف انى معركه خسرانه لاى حد اتراهن عليا منصفتش حد ومرفعتش راس حد
..انا كيان ميت مليش اى قيمه للى حواليا
انت عارف ان كل كيانى شكلته كلمه "الخساره" خساره فى نفسي
..خساره فى جسدي ..خساره ف العلاقات... خساره ف اهلى .حتى قلبى مفضليش وخسرته
انت عارف ان ارض مستباحه لكل اللى حواليا اتسرق منى كل شبر
علشان اشوف نظره رضا وفتات حب منهم ليا
انت عارف ان وجعنى انك "عارف" .!!
صالح قلبى بيك قولى انك مش زيهم
قولى انك مش هتكتفى بانك .."عارف"وبس
صالح قلبى بيك ...وقولى انك زى ماعارف كل اللى حصلى.
انت كمان عارف انا مين وايه صورتى الاصليه اللى تاهت وسط كل الطلطيش
والغيمه دى مستنيناك وانا "عارفه"..انك مش اله بتتفرج علينا من فوق .
.مستنياك وانا عارفه انك هتشمر وتنزل جوه ارض معركتى